👑 சிவ-தனுசு, விஷ்ணு-தனுசு மற்றும் பிரம்ம-தனுசு

🌺 கன்வ முனிவர் பரமபிதா பிரம்மதேவரை நோக்கி தவம் செய்து கொண்டு இருந்தார் நீண்ட காலம் அசையாமல் தவம் இருந்ததால் அவரின் மேல் மண் புற்று வளர்ந்தது இதனால் அவரின் தலையிலேயே ஒரு மூங்கில் முளைக்க துவங்கியது கன்வரின் தவத்தால் மகிழ்ந்த பிரம்மதேவர் அவர்முன் தோன்றி வேண்டிய வரத்தை அளித்தார்

🌺 அவரின் பார்வையில் கன்வரின் மேல் வளர்ந்த மூங்கில்கள் சாமான்யமாக தெரியவில்லை காரணம் கன்வமுனியின் கோர தவம் அவ்வாறு இதனால் அவரின் தலைமேல் வளர்ந்த மூங்கில்கள் பெரும் சக்தி கொண்டவையாக இருந்தன

🌼 இதனால் பிரம்மதேவர் அந்த மூங்கிலில் பெரும் சக்தி கொண்ட பிநாகம் மற்றும் சாரங்கம் என்ற இரு விற்களை உருவாக்கி ஈசன் மற்றும் விஷ்ணுவிடம் வழங்கினார்

🌻 பிநாகத்தை ஏந்தியதால் ஈசன் பிநாகபாணி என்றும்

🌻 சாரங்கத்தை ஏந்தியதால் விஷ்ணு சாரங்கபாணி என்றும் அழைக்கப்படுகின்றனர்

🌼 இவ்விரண்டு விற்களும் எப்போதும் ஈசன் மற்றும் விஷ்ணு கையிலேயே இருக்கும்

<< மேற்கூறிய கதை மஹாபாரதத்தில் அநுசாசன பர்வத்தில் பார்வதி தேவியின் சந்தேகத்திற்கு ஈசனே கூறிய விடையாகும் >>

🌺 ஆனால் இராமாயணத்தில் தேவேந்திரன்,  ஈசன் மற்றும் விஷ்ணு இருவரில் யார் வில் வித்தையில் சிறந்தவர் என அறிய பிரம்மதேவரிடம் செல்கிறான் பிரம்மதேவர் இதன் பின்விளைவு அறிந்தும் தேவேந்திரனுக்கு புத்தி புகட்ட இரு பெரும் சம சக்தி கொண்ட தனுசை உருவாக்கி இருவரிடமும் தருகிறார் இதனால் இருவருக்கும் யுத்தம் மூள்கிறது

🌺 இவர்களின் யுத்தம் நீடித்தால் சிருஷ்டிக்கே ஆபத்து வரும் என யுத்தத்தை நிறுத்துகின்றனர் ஆனால் யுத்தத்தில் ஈசனின் தனுசு சேதம் அடைகிறது

🌺 யுத்தம் முடிந்த பிறகு இவ்விரு விற்களும் ஜனகரின் முன்னோருக்கும் மற்றும் பரசு ராமரின் முன்னோருக்கும் செல்கின்றன

🌻 அதாவது பகவான் விஷ்ணுவின் தனுசு பரசுராமரின் தாத்தாவான ரிச்சக முனிவருக்கும்

🌻 சிவபெருமானின் தனுசு வருணன் மூலமாக ஜனகரின் முன்னோரான தேவரதருக்கும் செல்கின்றன

🌺 இராமபிரானால் சுயம்வரத்தின் போது சிவ தனுசு உடைக்கப்படுகிறது இதனால் கோபம் கொள்ளும் பரசுராமர் விஷ்ணு தனுசில் நாணேற்ற சவால் விடுக்கிறார்

🌼 நாணேற்றிய இராமனில் பகவான் விஷ்ணுவையே காண விஷ்ணு தனுசை இராமரிடம் தருகிறார் ஆனால் அந்த தனுசை உபயோகிக்காது வருணனிடம் அதை பத்திரமாக பாதுகாக்க சொல்லி தருகிறார் இதே தனுசு பிற்காலத்தில் கிருஷ்ணருக்கு நரகாசுர வதத்தின் போது கிட்டுகிறது

🌺 கிருஷ்ணர் இதை சால்வ யுத்தத்திலும் பாணாசுர யுத்தத்திலும் மட்டுமே பயன்படுத்தியாக தெரிகிறது பிறகு பூமியை விட்டு செல்லும் வேளையில் இத்தனுசு மீண்டும் வருணனிடம் பாதுகாப்பாக வைக்க தரப்படுகிறது

<< இக்கருத்தை வைத்து பார்த்தால் ஈசன் மற்றும் விஷ்ணுவின் கையில் இருக்கும் விற்கள் பூமிக்கு வரவில்லை அவர்களுக்காக உருவாக்கப்பட்டு அவர்கள் உபயோகித்த பின் இவ்விற்களே பூமிக்கு வந்தன  >>

👑 பக்தியினால் கிடைத்த விற்கள்

🌺 இராவணன் மகன் மேகநாதனிற்கு ஈசனின் பிநாகத்திற்கு இணையான வில்லும்

🌺 விதுரர்க்கு மகாவிஷ்ணுவின் சாரங்கத்திற்கு இணையான வில்லும்

பக்தியினால் கிட்டியது

🌼 மேகநாதன் தவத்தில் ஈசனை மகிழ்வித்து பிநாகத்திற்கு இணையான வில்லை பெற்றான் இவ்வில் அஷ்ட நாகங்கள் அதாவது 8 பாம்புகள் (அனந்தன், வாசுகி, தக்ஷகன்  கார்கோடகன், சங்கபாலன், குலிகன், பத்மன், மகாபத்மன்) இணைந்து உருவாக்கப்பட்ட வில் இந்த அஷ்ட நாகங்களின் விஷம் கொடியது மேலும் இவை அஷ்டமும் அஷ்ட அக்னியை கக்கும் வல்லமை பெற்றவை இதனால் இதிலிருந்து ஏவப்படும் அம்புகள் பிநாகத்தின் கணைகளுக்கு இணையாகின்றன

🌼 விதுரர் பக்தியில் விஷ்ணுபகவானை மகிழ்வித்ததால் விஷ்ணுபகவானே சாரங்கத்திற்கு இணையான கோவர்த்தனம் என்ற பெயருடைய வில்லை பரிசாக அளித்தார் இவ்வில்லை ஏந்தி தர்ம தேவதையான விதுரர் போரிட்டால் ஈசன் மற்றும் விஷ்ணுவை தவிர மற்றோரால் வெல்ல இயலாது இதனால் விதுரர் போரிட்டால் கிருஷ்ணரே ஆயுதம் ஏந்த வேண்டும் இக்காரணத்தால் கிருஷ்ணர் தந்திரத்தால் விதுர வில்லை விதுரரே உடைக்கும்படி செய்து விடுவார்

👑 பிரம்மவில்-காண்டீபம்

🌼 கன்வமுனிவர் தவத்தில் விளைந்த மூங்கிலில் இரு விற்களை செய்தபின் மீதமிருந்த மூங்கில்களில் தர்மத்தை காக்க பிரம்மதேவர் செய்த வில்லே காண்டீபம்

🌼 இதை முறையே பிரம்மதேவர், ஈசன், பிரஜாதிபதி, இந்திரன், சந்திரன், வருணன், அர்ஜுனன் ஆகியோர் ஏந்தியுள்ளனர் (ஆனால் ஈசன் அர்ஜுனனிடம் நீ நரனாய் இருக்கும்போது ஏந்திய வில்லே இது எனக்கூறுவார்)

🌼 108 நாண்களை கொண்ட இந்த தனுசின் கடைசி நாணை எந்த அஸ்திரத்தாலும் அறுக்க இயலாது


👑 கோதண்ட வில்

🌼 இது இராமபிரான் உபயோகித்த வில் ஆனால் இது ஏதோ சக்தி கொண்ட வில் அல்ல சாதாரண வில் மட்டுமே

🌼 பின்பு எவ்வாறு சக்திவாய்ந்தது என்றால் அதை ஏந்தும் கரம் இராமபிரானுடையது இராமபிரான் போன்ற சர்வோத்தமன் இல்லை என்பது உண்மை

🌼 எந்த இராமன் கால் பட்டதால் கல்லாய் இருந்த அகலிகை பெண்ணாய் மாறினாலோ அவ்வாறு அந்த ராமன் ஏந்திய வில் சக்தி பெற்றது என்பதே நிதர்சனம்

🌼 ஆனால் இராமபிரான் கையிலேந்திய வில்லை மிஞ்ச ஒரு தனுசும் இல்லை தர்மவழி நடந்து அதர்மத்தை வேரறுத்த உத்தமனின் தனுசின் சக்தி நிகரற்றது