👑 கல்கி அவதாரம்

🌼 பகவான் விஷ்ணு கலியுகத்தில் அவதரிக்கப்போவதே கல்கி அவதாரம் இது அவரின் பத்தாவது அவதாரமாக கருதப்படுகிறது உப புராணமான கல்கி புராணத்திலும் மற்றும் எதிர்வரும் காலங்களை கூறும் பவிஷ்ய புராணத்திலும் கல்கி பகவான் பற்றிய பெருமளவு தகவல்கள் உள்ளன மகாபாரதத்தில் வனபர்வத்திலும்,  விஷ்ணுபுராணம், பாகவத புராணம், அக்னி புராணம், பத்மபுராணங்களில் சிறிதளவு தகவல்களும் கிடைக்கின்றன

🌼 அவதார நோக்கம் கலியை வெல்வதே ஆகும் கலிபுருஷனை வென்று மீண்டும் சத்திய யுகமான கிருதயுகத்தை தொடங்குவதே அவ்வகையில் கலியின் இறுதியில் நிகழும் என கருதப்படுகிறது

🌼 அதர்மத்தின் வம்சத்தில் கோபத்திற்கும் இம்சைக்கும் பிறந்தவனே கலிபுருஷன்

🌻 யுகங்களில் கலியில் தர்மம் ஒற்றை காலிலே இருக்கும் ஆனால் அதுவும் சிதைக்கப்படும்போதே கல்கி அவதரிப்பார்

🌼 சுயம்பு மனு பகவான் விஷ்ணுவிற்கு மூன்று முறை தந்தையாகும் வரத்தை பெற்றார்

🌻ராமவதாரத்தில் தசரதராகவும்

🌻கிருஷ்ணவதாரத்தில் வசுதேவராகவும்

🌻 அவதரித்த அவர் கலியில் சம்பள கிராமத்தில் விஷ்ணுயாசராக அவதரிப்பார் அவருக்கு கவி, பிராக்ஞன், சுமித்திரன் என்ற மூன்று புதல்வர்கள் இருப்பார்கள் அடுத்ததாக கல்கி பிறப்பார்

🌼 அவருக்கு உதவிபுரிவதற்காக அவரின் அம்சமாக கார்க்யர், பரக்யர், விஸாலர் ஆகியோர் முன்னமே அவதரித்துவிடுவர்

🌼 பரசுராமர், வியாசர், கிருபர், அஸ்வதாமன் முதலியோர் வேடம் தரித்து வந்து பார்ப்பார்கள்

🌻 மஹாசஷ்டி தேவி நாபிக்கொடி அறுப்பாள்

🌻 கங்கா தேவி குளிப்பாட்டுவாள்

🌻 சாவித்ரி தேவி உடலை துடைத்து விடுவாள்

🌻 பூமாதேவி தாலாட்டுவாள்

🌻 மற்றவர்கள் மங்கள இசைப்பாடுவர்

🌼 என்னப்பெயர் வைக்கலாம் என விஷ்ணுயாசர் வினவும்போது கலியால் வந்த கல்கத்தை போக்கப்பிறந்ததால் கல்கி என நாமமிடுவார்கள்

🌼 கல்கிபகவான் பரசுராமரிடம் கல்வி கற்க செல்வார் இராவணனை அழிக்க கைகேகி ராமனை வனவாசம் அனுப்பியது போல கலியை வெல்வதையே தனது குரு தட்சனை எனத்தொடங்கி வைப்பார் பரசுராமர் அதன்பிறகு அவரின் அறிவுரைப்படி சிவனை தியானித்து ஈசனிடம் சகல அஸ்திரத்தையும் பெறுவார் மேலும் தெய்வமயமான ஒரு கிளி நினைத்தவுடன் நினைத்த இடம் பறந்து செல்லும் குதிரை மற்றும் ரத்னபிடியுள்ள கத்தியையும் பெறுவார்

🌼 பாகவதத்தில் அந்த குதிரை தேவதத்தம் என்றும் பவிஷ்ய புராணத்தில் காருட அஸ்வம் எனவும் கல்கி புராணத்திலோ உச்சைஸ்ரவம் என்றும் உள்ளது

🌼 கத்திப்பற்றி பார்த்தால் மூன்றிலுமே ரத்னபிடி கொண்ட கத்தி எனவே உள்ளது

🌼 திவ்ய விற்களைப் போலவே கத்திகளிலும் திவ்யத்துவம் பெற்றது உள்ளன

🌼 அவைகளாவன

1.அசி
 இந்த சிருஷ்டியிலேயே முதன்முதலில் உருவாக்கப்பட்ட ஆயுதம் இதுவே அசுரர்களை அழிக்க யாகத்தில் புண்ணிய பொருட்களை இட்டு பிரம்ம தேவர் உருவாக்குவார் அதை ருத்ரரிடம் அளித்து தர்மத்தை காக்க வேண்டுவார் ருத்ரரும் அனைவரையும் சம்காரம் செய்வார் அதைப்பிறகு தேவர்களுக்கு அளிப்பார் இதை சாந்திப்பர்வத்தில் பீஷ்மரே சொல்வார்

அது வழிவழியாக துரோணரிடம் வந்து பிறகு கிருபரிடம் சென்று பிறகு நகுலன், பரிட்சித், சதானிகன் மூலம் மீண்டும் அதை காக்க கிருபரிடம் சென்றுவிடும் கிருபர் அதை இன்றளவும் காப்பதாக பாரதத்தில் உள்ளது

2. நந்தகி
    விஷ்ணுவின் கையில் உள்ள நந்தகி  வாள்ப்பற்றி அக்னிபுராணத்தில் ஒரு கதையுள்ளது பிரம்மதேவர் அகில நன்மைக்காக கங்கை கரையில் யாகம் மேற்கொள்வார் அதைத்தடுக்க லோமாசுரன் என்பவன் புறப்பட்டு வருவான் அவன் ஆயுரம் தலைகளும் வஜ்ர தேகமும் கொண்டவன் ஆவான் இதனால் அவனைத்தடுக்க யாகத்தில் இருந்து ஒரு சக்தி வெளிவந்து வாளாக மாறும் அந்த வாள் அவனின் வஜ்ரதேகத்தையும் அறுக்கும் சக்தி கொண்டது ஆவான் அதை வலிமையுடையவர் ஏந்தினால் மட்டுமே வஜ்ரதேகத்தையும் கிழிக்க இயலும் இதனால் தேவர்கள் வேண்ட விஷ்ணுவே அதை ஏந்தி அவனை அழித்து யாகத்தை காத்தார்

3.சந்திராசனம்
     அர்த்த சந்திரன் அதாவது பாதி நிலவின் வடிவம் பெற்றதால் இந்தப்பெயர் ஈசனின் வாளான இதை ஏந்துவோர் வெல்வது நிச்சயம் ஆனால் ஒரு வேளை இது அதர்மத்திற்காக ஏந்தப்பட்டால் ஈசனிடமே சென்றுவிடும் இதை ராவணனுக்கு ஈசன் அளிப்பார் ஆனால் ஜடாயுவை வீழ்த்தியதால் இது ஈசனிடமே சென்றுவிடும்

🌻 ஆகமொத்தத்தில் இந்த வாள்களை ஏந்தவே வாய்ப்புகள் அதிகம்

👑 கல்கி அவதாரத்தில் குருகுல வாசத்தில் அசி வாளைப்பற்றி பரசுராமர் கல்கிக்கு விளக்குவார் ஆதலால் அசியும்
அவர் விஷ்ணுவின் அவதாரம் என்பதால் சாரங்கம், சுதர்சனம் போல நந்தகியும் வரும் என்பதால் நந்தகியும்
ஈசனிடம் பெறுவார் மேலும் தர்ம ஸ்தாபினம் என்பதால் சந்திராசனமும் எனவும் குழப்பம் வருகிறது

🌼 மகாலட்சுமி பத்மாவாக அவதரிப்பார் ஈசன் அளித்த கிளி மூலமே இருவரும் சேர்வர்

🌼 கல்கியின் மூத்த தமையனான கவி காமகலா என்பவளை மணந்து ப்ருஹத்கீர்த்தி, ப்ருகத்பாஹூ என்ற இரு புதல்வர்களையும் பிராக்ஞன் - ஸந்ததி இருவரும் யக்ஞன், விக்ஞன் என்ற இரு புதல்வர்களையும் ஸுமந்தர் - மாலினி இருவரும் ஸாஸனன், வேகவான் என்ற இரு புதல்வர்களையும் கல்கி - பத்மா இருவரும் ஜயன், விஜயனையும் பெற்றெடுப்பார்கள்

🌼 பிறகு தந்தையுடன் அனுமதி வேண்டி திக் விஜயம் செல்கிறார் எதிர்ப்பட்ட அனைத்து தேசங்களையும் வெல்கிறார் போதர்கள் என்றழைக்கப்பட்டவர்களை கொன்றபோது அந்நாட்டின் பெண்கள் ஆயுதம் தாங்கி கல்கி பகவானை நோக்கி வருகின்றனர் அர்ஜுனனுக்கு கீதையை உபதேசித்தது போல் அவர்களுக்கு நிதர்சனத்தை உணர்த்துகிறார்

🌼 பகவான் கல்கியை நோக்கி செல்வதைக்கண்ட தர்மதேவதை அவரது படைக்கு சேனாதிபதியாகிறார் கிருதயுகமும் தர்மதேவதையுடன் சேர்கிறார்

🌼 கலியுடன் முதலில் தர்மம் சண்டையிடுகிறார் கலிக்கு சாதகமாக கோபம், நரகம், மனக்கவலை, வியாதி, பயம் போன்றோர் துணைநின்று யுத்தம் புரிவர்

🌼 அதேபோல தர்மனின் தரப்பில் யோகம், நலம், பரஸ்பரம் இளமை போன்றோர் துணைநிற்பர்

👑 தர்மமும் கிருதயுகமும் சேர்ந்து கலியை விரட்டுவர் இதை அறிந்த கோக மற்றும் விகோகர்கள் யுத்தத்தில் கல்கியை எதிர்ப்பர் இவர்களில் எவர் மடிந்தாலும் மற்றவர் பார்த்தாலே போதும் உடன் உயிர்ப்பெற்று எழும் வரத்தை பெற்றவர்கள் ஆதலால் இருவரும் ஒருவரை ஒருவர் பார்க்க முடியாதவாறு இருவரையும் இரு கைகளால் பிடித்து கொல்வார் கல்கி

🌼 கல்கி பகவானின் திக் விஜயத்தால் எண்ணிலடங்காதோர் அழிவர்

👑 கலியை அழித்து அவதாரம் நோக்கம் முழுமையடைந்ததால் இப்பூவுலகை சூரிய வம்சத்தை சேர்ந்த மரு மற்றும் சந்திர வம்சத்தை சேர்ந்த தேவாபியிடம் ஒப்படைத்து வைகுண்டம் சேர்வார்

🌻 மரு என்ற அரசர் ராமரின் மகனான குசனின் வழிவந்தவர்

🌻 தேவாபி சந்தனுவின் தமயன் ஆவார் குஷ்ட ரோகம் வந்ததால் அவர் அரியணைக்கு தகுந்தவர் அல்ல என சந்தனு மகாராஜா அரியணை ஏறுவார் (இதை உத்தியோக பர்வத்தில் திருதராஷ்டிரன் துரியனிடம் கூறுவார்)

👑 இவ்விருவரும் துறவறம் பூண்டு வாழ்வர் கல்கியின் ஆணையினால் சத்ய யுகத்தில் ஆட்சிபுரிவர்

🌺 அதன்பிறகு தொடங்குவது சத்யயுகமான கிருதயுகமாகும் அங்கு தர்மம் நான்கு கால்களில் காளையைப் போன்ற ஸ்திரத்துடன் விளங்கும்

🌼 பலர் கல்கி அவதாரம் முடிந்தவுடன் உலகமானது அழியும் எனக்கூறுகின்றனர் ஆனால் அவ்வாறு எந்த ஒரு இடத்திலும் குறிப்பிடப்படவில்லை. அவ்வாறாக இருப்பின் அவதாரம் எதற்கு பிரளமே முடிவாகும் அல்லவா

🌼 விஷ்ணுபுராணத்தில் பராசரர் ஒவ்வொரு சதுர்யுகத்திற்கும் ஒரு வியாசர் இருப்பார்கள் என்று கூறுகிறார் அவ்வாறாக 7 மன்வந்திரத்தில் இதுவரை இருந்த 28 வியாசர்களையும் கூறுகிறார் அவர்களில் முதல் வியாசர் பிரம்மதேவர் இரண்டாவது மனு 6,7 முறையே யமன் மற்றும் இந்திரன் ஆகியோர் வியாசர் ஆவர்

🌼 28 வது வியாசர் விஷ்ணுவின் அம்சமான கிருஷ்ணத்துவைபாயனர் இதை பராசரர் கூறும்போது 27 வியாசர்கள் இருக்கும்போது அவர் மட்டும் ஏன் விஷ்ணுவின் அம்சம் என்று மைத்ரேயர் வினவுகிறார் அதற்கு பராசரர் மஹாபாரதத்தை இயற்ற வேண்டுமானால் அதற்கு நாராயண அம்சத்தால் மட்டுமே இயலும் என்கிறார் மேலும் கல்கி பகவானால் சாப விமோசனம் அடையும் அஸ்வதாமனே அடுத்த வியாசர் என்றும் கூறுகிறார் எனில் 28 சதுர்யுகத்தில் தான் மஹாபாரதம் நிகழ்ந்துள்ளது

🌼 இவ்வாறாக தீப்திமான், காலவர், பரசுராமர், கிருபர், அஸ்வதாமன், கிருஷ்ண துவைபாயனர், ருஷிய சிங்கர் ஆகியோர் அடுத்த மன்வந்திரத்தின் சப்தரிஷிகள் என்கிறார் பராசரர்

🌼 அதாவது நாம் நினைப்பது போல பகவான் விஷ்ணு பத்து அவதாரங்கள் மட்டும் எடுப்பதில்லை எண்ணற்ற அவதாரங்கள் யுகங்கள் தோறும் எடுப்பார் ஆனால் நாம் அறிந்தது 10 மட்டுமே அடுத்த திரேதா யுகத்தில் ராமரும் துவாபார யுகத்தில் கிருஷ்ணரும் அவதரிக்க மாட்டார்கள் அவர்களுக்கு மாறாக வேறு அவதாரங்கள் நிகழும்