👑 பலராமன்

🌼 உபநிடதங்களில் "நாயம் ஆத்ம பல ஹினேனலப்ய" என்று உள்ளது அதாவது பலராமராக கருதப்படும் சேஷனின் உதவியில்லாமல் எவரும் பகவானை அடைய இயலாது (மனோபலத்திற்கு இவரே அதிபதி ஆவார் ஆதலால் இவ்வாறு)

🌼 சேஷனின் அவதாரமான இவர் இம்முறை வாசுதேவருக்கு தமயனாய் அவதரித்தார்

🌼 கசியபர் மற்றும் கத்ருவிற்கு பிறந்த ஆயிரம் நாகர்களில் மூத்தவரே சேஷன் ஆவார் தவம் மற்றும் பக்தியில் நாட்டம் கொண்ட அவர் தவத்தில் ஈடுபடுகிறார் இதனால் இவருக்கு அடுத்தவரான வாசுகி நாகராஜனாகிறார்

🌼 என்ன வரம் வேண்டும் என பிரம்மா கேட்டும்போது மனதை சரியான பாதையில் செலுத்தும் வரத்தை கேட்கிறார். பிறகு பிரம்மா இவருக்கு ஈரேழு பதினான்கு லோகங்களையும் தாங்கும் பொறுப்பையளிக்கிறார்

🌼 வசுதேவருக்கு மொத்தம் 16 மனைவிகள் அவர் தேவகியை மணந்தபோதே கம்சனால் சிறையில் அடைக்கப்படுவார் அவருக்கு வருடத்திற்கு ஒரு குழந்தை பிறந்தனர் என பாகவதம் கூறுகிறது அவ்வகையில் கிருஷ்ணரின் பிறப்பையும் வைத்துப்பார்த்தால் பலராமர் யுதிஷ்டிரனுக்கு 6 மாதம் இளையவர் மற்றும் பீமனுக்கு 6 மாதம் மூத்தவர் என்றும் தெரிகிறது

🌼 தேவகியின் கருவில் ஏழாவதாக தோன்றிய இவர் யோகமாயையால் வசுதேவரின் மற்றொரு மனைவியான ரோகினியின் கருவுக்கு மாற்றி வைக்கப்படுகிறார் இதனால் இவருக்கு சங்கர்ஷனர் என்ற பெயரும் உண்டு

🌼 எதிர்காலத்தையே கணிக்கும் நந்த கோபரின் குருவான கர்க முனிவரே இவருக்கு பலராமர் என்ற பெயரை இடுவார்  பாகவத புராணத்தில் தமயனான பலராமருக்கு கிருஷ்ணன் கால் பிடித்து பனை ஓலையால் வீசி தூங்க வைத்ததாய் கூறப்படுகிறது

🌼 சிறுவனாக இருந்தபோது பனைமரகாட்டில் கழுதை வடிவில் இருந்த அசுரனான தேனுகாசுரன் இவரின் கையால் மாண்டான்

🌼 பிரலம்பாசுரன் சிறுவர் வடிவெடுத்து ராமகிருஷ்ணர்களுடன் விளையாடினான் அதில் தோற்றவர் வென்றவரை தோளில் தூக்கி செல்ல வேண்டும் அவ்வாறு பிரலம்பாசுரன் பலராமரை தூக்கி செல்லும்போது பலராமரால் உண்மையறியப்பட்டு கொல்லப்பட்டான்

🌼 கம்சனால் ஏவப்பட்ட குவலயபீட யானையின் வலது தந்தத்தை பிடுங்கி பாகனை கொல்லும் பலராமர் ஒரே உதையில் அந்த யானையை கொல்கிறார்

🌼 கம்சனின் சபையில் மூஷ்டிகனை கொல்லும் பலராமர் கிருஷ்ணர் கம்சனை கொன்றபின் அவரை தாக்க வரும் கம்சனின் 8 சகோதரர்களையும் கொல்கிறார்

🌼 ருக்மணியை கடத்தும்போது பலராமரே அனைவரையும் சமாளிக்கிறார் ருக்மணியின் வேண்டுகோளால் ருக்மியை கொல்லாமல் விட்டாலும் தனது தேர்க்காலில் கட்டி இழுத்துவர முயற்சி செய்யும் கிருஷ்ணரை உறவினர்களை அவ்வாறு செய்வது தவறு கிருஷ்ணா ஆதலால் அவனை விடுவிப்பாயாக என்கிறார்

🌼 முந்தைய மன்வந்திரத்தில் மனுவின் பெண்ணான ஜோதிஷ்மதியாக பிறக்கும் ஒருத்தி தனக்கு உலகிலேயே பலத்தில் சிறந்தவன் மணாளனாக வேண்டும் என்று எண்ணுகிறாள் இந்திரன் பலத்தில் சிறந்தவன் என்று அவரை கேட்டால் அவர் வாயுவை கூறுகிறார். வாயு பர்வதத்தை கூறுகிறார். பர்வதம்,நிலம் என்றும். நிலம் சேஷனையும் கூறுகின்றனர் ஆதலால் சேஷனை மணாளனாக பெரும் வரத்தை பெறுகிறாள் அவளே அடுத்த மன்வந்திரத்தில் முதல் யுகத்தில் கதுக்குமிக்கு ரேவதி என்ற பெயரில் பிறக்கிறாள் ரேவதிக்கு சரியாக மணாளன் யார் என்பதை பிரம்மரிடமே கேட்டு விடலாம் என இருவரும் சத்தியலோகம் செல்கின்றனர் அங்கு கந்தவர்களின் இசை நிகழ்ச்சி நடந்ததால் தாமதம் ஆகிறது பிறகு பிரம்மதேவரிடம் கேட்டும்போது தாங்கள் பிரம்மலோகத்தில் இருந்ததால் கீழே 27 மகாயுகங்கள் கடந்துவிட்டன தாம் நினைக்கும் யாரும் தற்போது அகிலத்தில் இல்லை ஆனால் நீங்க ஆண்ட குசஸ்தலியானது தற்போது துவாரகையாக இருக்கிறது அங்கு இருக்கும் பலராமன் ரேவதிக்கு பொறுத்தமானவர் என்கிறார்

🌼 பிரம்மதேவரின் அறிவுரைப்படி அவ்வாறே நடக்கிறான் கதுக்குமி ரேவதி சத்ய யுகத்தில் பிறந்ததால் அவளின் உயரம், ஆயுள், என அனைத்திலும் மாற்றம் இருக்கிறது பலராமரை விட உயரத்தில் பெரியளாக இருந்ததால் பலராமர் தனது கலப்பையால் ரேவதியின் தலையை தொட்டவுடன் அவள் அக்கால பெண்மணி போல் ஆகிவிடுகிறாள். உயரமும் குறைகிறது இவர்களுக்கு விசடன், உலமுகன் பிறந்தனர்

🌼 சியமந்தக மணியை தேடிப்போன போது மிதிலையில் சில ஆண்டுகள் வசிக்கிறார் அப்போதே துரியனுக்கு குருவாகிறார்

🌼 தனது தங்கையான சுபத்திரையை துரியனுக்கு மணமுடிக்க எண்ணுகிறார் பலராமர் ஆனால் கிருஷ்ணர் அர்ஜுனனுக்கு சாதகமாக நிற்கிறார் அர்ஜுனன் சுபத்திரையை மணமுடிக்கவும் உதவுகிறார்

🌼 பதினான்கு லோகங்களையும் தாங்கும் சேஷனின் அவதாரம் என்பதால் இவருக்கு 7,32,000 கஜங்களின் பலம் உண்டு மேலும் கலப்பை, உலக்கை மற்றும் கதை இவருடைய ஆயுதங்கள் ஆகும்

🌼 ஈசனின் அருளால் ஜாம்பவதிக்கு பிறந்தவரான சாம்பன் ஜாம்பவதியின் செல்லத்தனத்தால் கெட்டுபோகிறார் (இறுதி சமயத்தில் பெண் வேடமிட்டு உலக்கையை தரித்து இந்த பெண்ணிற்கு ஆண் குழந்தை பிறக்குமா இல்லை பெண் குழந்தையா எனக்கேட்டு யாதவ குலத்திற்கே சாபத்தை வாங்கி தருவதும் சாம்பனே) இந்த சாம்பன் துரியனின் மகளான லஷ்மணாவின் சுயம்வரத்தில் அவளை கடத்த முயற்சிசெய்யும் போது குரு வம்சத்தால் பிடிக்கப்பட்டு சிறையில் அடைக்கப்படுகிறார். இதை அறிந்த உக்ரசேனர் அஸ்தினாபுரம் மீது போர்தொடுக்கலாம் என்று உத்தரவு இடுகிறார் ஆனால் பலராமரோ யுத்தம் நாசத்தையே தரும் சமாதானத்தை நான் பேசுகிறேன் என தனியாளாக அஸ்தினாபுரம் செல்கிறார்

🌼 அஸ்தினாபுர சபையில் சாம்பனையும் லஷ்மணாவையும் சமர்பிக்குமாறு உக்ரசேனர் ஆணையிட்டதாய் கூறுகிறார் பலராமர் ஆனால் பீஷ்மர், துரோணர்,விதுரர், திருதராஷ்டிரர், கிருபர், அஸ்வதாமன், கர்ணன், துரியோதனன், விகர்ணன், யுதிஷ்டிரன், பீமன், அர்ஜுனன் என பல வீர புருஷர்களால் நிறைந்த அஸ்தினாபுர சபை குரு வம்சத்திற்கு ஆணையிட உக்ரசேனர் யார் என்று தொடங்கி விவாதம் எல்லை மீறுகிறது இதனால் கோபம் கொள்ளும் பலராமர் தனது கலப்பையால் பூமியை ஒரு தட்டு தட்டுகிறார் இதனால் அஸ்தினாபுரமே அதிர்கிறது (இதனால் இன்றளவும் அஸ்தினாபுரம் சாய்ந்து உள்ளது என கூறப்படுகிறது)

🌼 பலராமர் என் பேச்சையும் மதியாமல் யாதவ அரசரையும் அவமதிக்கிறீர்கள் ஆதலால் அஸ்தினாபுரத்தை கங்கையின் வெள்ளத்திற்கு இரையாக்குவேன் நகரத்தையே நொறுக்கி கங்கையில் இடுவேன் என கர்ஜிக்கிறார் இதனால் அவர்கள் வேறு வழியின்றி சாம்பனையும், லஷ்மணாவையும் அனுப்பு வைக்கின்றனர்

🌼 பலராமருக்கு வத்சலா என்ற ஒரு பெண் இருந்தாள் அவளும் அபிமன்யுவும் சிறுவயதில் இருந்தே காதலித்தனர் ஆனால் பலராமர் துரியனின் மகனான லஷ்மண குமாரனனிற்கு மணமுடிக்க விரும்பினார் ஆனால் கிருஷ்ணர் மற்றும் கடோத்கஜனின் உதவியால் அபிமன்யு வத்சலாவை மணந்தான் என்று கூறப்படுகிறது இதனால் கோபம் கொண்ட லஷ்மண குமாரன் இனி மணமுடிப்பதில்லை என சபதம் எடுக்கிறான் இது பாகவதம், விஷ்ணுபுராணம், பாரதம் என எதிலும் குறிப்பிடவில்லை ஆனால் வாய்வழி கதையாக வலம் வருகிறது

🌼 பாரதயுத்தத்தில் பலராமர் சமாதானத்தையே விரும்பினார் இருவரும் எனக்கு சமமானவர்களே ஆனால் கௌரவர்களின் பக்கம் அதர்மம் இருப்பதால் பாண்டவர்களே வெல்வார்கள் என்று அறிவேன் ஆனால் கிருஷ்ணா நீ இருவரையும் சமமாக பார்க்க வேண்டும் இரு தரப்பினருமே நமக்கு உறவினர்கள் தான் மறவாதே என்று கூறிவிட்டு யுத்தத்தை காணமுடியாமல் தீர்த்தயாத்திரை செல்லும் பலராமர் மித்ரவருணாஸ்ரமத்தில் இருக்கும் போது பீமனுக்கும் துரியனுக்கும் கதாயுத்தம் என்று நாரதரின் மூலம் தெரிந்துகொண்டு 42 நாளுக்குபிறகு வருகிறார் பீமன் துரியனை தொடையில் தாக்கியதை கண்டு கோபம் கொண்டு கலப்பையை கொண்டு அவனை தாக்க செல்லும் பலராமரை கிருஷ்ணர் தடுக்கிறார்

🌼 ஸீதன் என்ற அந்தணரை கொன்றதால் பிரம்மஹத்தி தோஷம் பிடித்த பலராமர் 12 வருட தீர்த்தயாத்திரை மூலம் அதை நிவர்த்தி செய்கிறார் அப்போது யாகத்தை நடக்க விடாமல் தொல்லை புரிந்த பல்வனனை கொன்றார்

🌼 ராமசேனையில் இருந்தவனும், நரகாசுனனின் நண்பனும், கிஷ்கிந்தாவின் அரசருமான துவிதன் நரகாசுரனின் மரணத்திற்கு காரணம் தேவர்கள் என்றறிந்து அதர்மியாகி பல அட்டூழியங்களை செய்கிறான் இவன் பலராமரை அவமதிக்கும் போது அவரால் அழிக்கப்படுகிறான் இராவணனின் சேனையை நாசமாக்கி சகாதேவனிடம் 7 நாள் யுத்தம் புரிந்த துவிதன் பலராமரின் ஒரே உதையில் மாள்கிறான்

🌼 கிருஷ்ணரின் மகனான பிரதியும்னன் ருக்மியின் மகளாகிய ருக்மாவதியை சுயம்வரத்தில் வென்று திருமணம் செய்கிறார் ருக்மி கிருஷ்ணரிடத்தில் பகை கொண்டாலும் ருக்மணியின் மீது அளவற்ற அன்பு கொண்டு இருந்தார் ஆதலால் ருக்மணியின் பேரனான அனிருத்தனுக்கு தனது பேத்தியான ரோசனாவை மணமுடிக்க முன்வந்தார் திருமணத்தின்போது பலராமரை அவமதிக்க கலிங்க அரசனும், ருக்மியும் அவரை சூதாட்டத்திற்கு அழைக்கின்றனர் பலராமரே வென்றார் எனினும் ருக்மி ஏமாற்றி பலராமரை அவமதிக்கிறான் இதனால் கோபம் கொள்ளும் அவர் ருக்மியை ஒரு அடி விடுகிறார் இதனால் அந்த இடத்திலேயே மாள்கிறான் ருக்மி

🌼 யாதவ குலம் அழியும் போது அதை பொறாமல் முன்பாகவே தவத்தில் அமையும் பலராமரின் உடலில் இருந்து கிளம்பிய நாகம் கடலில் இறங்கி வைகுண்டம் செல்கிறதை யாதவர்கள் காண்கின்றனர்

🌼 நான் தெரிந்துகொண்டது இவ்வளவு தான் இதற்கு மேல் இருந்தால் கூறுங்கள்